श्रावक - प्रतिक्रमण संस्कृत

श्रावक - प्रतिक्रमण संस्कृत

जीवे प्रमादजनिता: प्रचुरा: प्रदोषा

यस्मात्प्रतिक्रमणत: प्रलयं प्रयान्ति।

तस्मात् -तदर्थममलं गृहिबोधनार्थं

वक्ष्ये विचित्रभवकर्म—विशोधनार्थम्।।१।।

पापिष्ठेन दुरात्मना जडधिया मायाविना लोभिना

रागद्वेष—मलीमसेन मनसा दुष्कर्म यन्निर्मितम्।

त्रैलोक्याधिपते जिनेन्द्र ! भवत: श्रीपादमूलेऽधुना

निन्दापूर्वमहं जहामि सततं वर्वर्तिषु: सत्पथे।।२।।

खम्मामि सव्वजीवाणं सव्वे जीवा खमंतु मे। 

मेत्ती मे सव्वभूदेसु वेरं मज्झं ण केणवि।।३।।

रागबंध—पदोसं च हरिसं दीणभावयं।

उस्सुगत्तं भयं सोगं रदि—मरदिं च वोस्सरे।।४।।

हा दुट्ठकयं हा दुट्ठचिंतियं भासियं च हा दुट्ठं।

अंतो अंतो डज्झाqम पच्छत्तावेण वेयंतो।।५।।

दव्वे खेते काले भावे य कदा—वराह—सोहणयं।

णिंदण—गरहण—जुत्तो मण—वय—काएण पडिकमणं।।६।।

एइंदिय—वेइंदिय—तेइंदिय— चउरिंदिय—पंचेंदिय—पुढविकाइय— आउकाइय—तेउकाइय— वाउकाइय—वणप्फदिकाइय—तसकाइया, एदेसिं उद्दावणं परिदावणं विराहणं उवघादो कदो वा कारिदो वा कीरंतो वा समणुमण्णिदो तस्स मिच्छा से दुक्कडं।

दंसण—वय—सामाइय—पोसह—सचित्त—रायभत्ते य ।

बंभारंभ—परिग्गह—अणुमण—मुद्दिट्ठ देसविरदे दे।।१।।

एयासु जधाकहिद—पडिमासु पमादाइ—कयाइचार—सोहणट्ठं छेदोवट्ठावणं होदु मज्झं।

अरहंत—सिद्ध—आइरिय—उवज्झाय— सव्वसाहु—सक्खियं सम्मत्त—पुव्वगं सुव्वदं दिढव्वदं समारोहियं मे भवदु मे भवदु मे भवदु ।

देवसिय—पडिक्कमणाए सव्वाइचार—विसोहि—णिमित्तं पुव्वाइ—रियकमेण आलोयण—सिद्धाक्ति—काउस्सग्गं करेमि।

दैवसिक (पाक्षिक) प्रतिक्रमणक्रियायां सर्वातिचारविशुद्धि—निमित्तं पूर्वाचार्यानुक्रमेण आलोचनासिद्धभक्तिकायोत्सर्गं करोम्यहं।

पंचांग प्रणाम कर तीन आवर्त एक शिरोनति करके सामायिक दण्डक पढ़ें।

सामायिक दण्डक 

णमो अरिहंताणं, णमो सिद्धाणं णमो आइरियाणं।

णमो उज्झायाणं, णमो लोए सव्वसाहुणं।।

चत्तारि मंगल—अरहंत मंगल, सिद्ध मंगलं, साहू मंगलं, केवलि—पण्णत्तो धम्मो मंगलं। चत्तारि लोगुत्तमा—अरहंत लोगुत्तमा, सिद्ध लोगुत्तमा, साहू लोगुत्तमा—केवलि पण्णत्तो धम्मो लोगुत्तमा। चत्तारि सरणं पव्वज्जामि, अरहंत सरणं, पव्वज्जामि, सिद्ध सरणं पव्वज्जामि साहू सरणं पव्वज्जामिं केवलि पण्णत्तो धम्मो सरणं पव्वज्जामि।

अड्ढाइज्ज दीव—दोसमुद्देसुपण्णारस— कम्मभूमीसु जाव अरहंताणं भयवंताणं आदियराणं तित्थयराणं जिणाणं जिणोत्तमाणं केवलियाणं, सिद्धाणं बुद्धाणं परिणिव्वुदाणं अंतयडाणं पारयडाणं, धम्माइरियाणं, धम्मदेसयाणं, धम्मणायगाणं, धम्मवर—चाउरंग—चक्कवट्टीणं देवाहिदेवाणं, णाणाणं दंसणाणं चरित्ताणं सदा करेमि किरियम्मं।

करेमि भंत्ते ! सामाइयं सव्वं सावज्जजोगं पच्चक्खामि, जावजीव तिविहेण मणसा वचिया काएण ण करेमि ण कारेमि अण्णं करंतं पि ण समणुमणामि। तस्स भंते! अइचारं पडिकमामि, णिंदामि, गरहामि अप्पाणं, जाव अरहंताणं भयवंताणं पज्जुवासं करेमि ताव कायं पावकम्मं दुच्चरियं वोस्सरामि।

(२७ उच्छ्वास में ९ बार महामंत्र का जाप्य)

           🔅थोस्सामि स्तव:🔅

थोस्सामि हं जिणवरे तित्थयरे केवलो—अणंतजिणे। 

णर–पवर—लोय—महिए विहुय—रय—मले महपण्णे।।१।।

लोय—स्सुज्जोययरे धम्मं तित्थंकरे जिणे वंदे।

अरहंते कित्तिस्से चउवीसं चेव केवलिणो।।२।।

उसह—मजियं च वंदे संभव—मभिणंदणं च सुमइं च।

पउमप्पहं सुपासं जिणं च चंदप्पहं बंदे।।३।।

सुविहिं च पुष्फयंतं सीयल सेयं च वासुपुज्जं च।

विमल—मणंतं भवयं धम्मं संतिं च वंदामि।।४।।

कुंथुं च जिणवरिंदं अरं च मिंल्ल च सुव्वयं च णमिं।

बंदामि रिट्ठणेमि तह पासं वड्ढमाणं च।।५।।

एवं मए अभित्थुआ विहुय—रय—मला पहीण—जर— मरणा।

चउवीसं पि जिणवरा तित्थयरा में पसीयंतु।।६।।

कित्तिय वंदिय महिया एदेस लोगोत्तमा जिणा सिद्धा। 

आरोग्ग—णाण—लाहं दिंतु समाहिं च मे बोहिं।।७।।

चंदेहिं णिम्मल—यरा आइच्चेहिं अहियपयासंता।

सायर—मिव गंभीरा सिद्धा सिद्धिं मम दिसंतु।।८।।

सिद्धभक्ति:

श्रीमते वर्धमानाय नमो नमित—विद्विषे।

यज्ज्ञानान्तर्गतं भूत्वा त्रैलोक्यं गोष्पदायते।।१।।

तवसिद्धे णयसिद्धे संयमसिद्धे चरित्तसिद्धे य।

णाणम्मि दंसणम्मि य सिद्धे सिरसा णंमसामि।।२।।

इच्छामि भंते! सिद्धभक्ति—काउस्सग्गो कओ तस्सालोचेउं, सम्मणाण—सम्मदंसण—सम्मचरित्तजुत्ताणं अट्ठविह—कम्ममुक्काणं अट्ठगुण—संपण्णाणं उड्ढलोय—मत्थयम्मि पइट्ठियाणं तवसिद्धाणं णयसिद्धाणं संजमसिद्धाणं चरित्तसिद्धाणं अदीदा—णागदवट्टमाण—कालत्तयसिद्धाणं सव्वसिद्धाणं णिच्चकालं अंचेमि पूजेमि वंदामि णमंसामि दुक्खक्खओ कम्मक्खओ बोहिलाहो सुगइगमणं समाहिमरणं जिणगुणसंपत्ति होउ मज्झं।

आलोचना

इच्छामि भंते ! देवसियं आलोचेउं। तत्थ— 

पंचुंबर—सहियाइं सत्त वि वसणाइं जो विवज्जेइ।

सम्मत्त— विसुद्धमई सो दंसण—सावओ भणियो।।१।।

पंच य अणुव्वयाइं गुणव्वयाइं हवंति तह तिण्णि।

सिक्खावयाइं चत्तारि जाण विदियम्मि ठाणम्मि।।२।।

जिणवयण—धम्म—चेइय—परमेट्ठि—जिणालयाण णिच्चं पि।

जं वंदणं तियालं कीरइ सामाइयं तं खु ।।३।।

उत्तम—मज्झ—जहण्णं तिविहं पोसह—विहाण—मुद्दिट्ठं।

सगसत्तीए मासम्मि चउसु पव्वेसु कायव्वं।।४।।

जं वज्जिजदि हरिदं तय—पत्त—पवाल—कंद—फल—बीयं।

अप्पासुगं च सलिलं सच्चित्त—णिव्वत्तिमं ठाणं।।५।।

मण—वयण—काय—कदकारिदाणुमोदेहिं मेहुणं णवधा।

दिवसम्मि जो विवज्जदि गुणम्मि सो सावओ छट्ठो।।

पुव्वुत्त—णवविहाणं णि मेहुणं सव्वदा विवज्जंतो।

इत्थिकहादि—णिवित्ती सत्तम—गुणबंभचारी सो।।७।।

जं किंपि गिहारंभं बहु थोवं वा सया विवज्जेदि ।

आरंभ—णिवित्तमदी सो अट्ठस—सावओ भणिओ।।८।।

मोत्तूण वत्थमित्तं परिग्गहं जो विवज्जदे सेसं।

तत्थ वि मुच्छं ण करदि वियाण सो सावओ णवमो।।९।।

पुट्ठो वायुपुट्ठो वा णियगेहिं परेहिं सग्गिह—कज्जे ।

अणु—मणणं जो ण करदि वियाण सो सावओ दसमो।।१०।।

णवकोडीसु विसुद्धं भिक्खा—यरणेण भुंजदे भुंजं।

जायण—रहियं जोग्गं एयारस सावओ सो दु।।११।।

एयारसम्मि ठाणे उक्किट्ठो सावओ हवे दुविहो।

वत्थेयधरो पढमो कोवीणपरिग्गहो विदिओ।।१२।।

तव—वय—णियमा— वासय—लोचं कारेदि पिच्छ गिण्हेदि।

अणुवेहा—धम्मझाणं करपत्ते एयठाणम्मि।।१३।।

इत्थ में जो कोई देवसिओ अइचारो अणाचारो तस्स भंते !पडिक्कमामि पडिक्कम्मंत्तस्स से सम्मत्तमरणं समाहिमरणं पंडियमरणं वीरियमरणं दुक्खक्खओ कम्मक्खओ बोहिलाहो सुगइगमणं समाहिमरणं जिणगुणसंपत्ति होउ मज्झं।

दंसण—वय—सामाइय—पोसह—सच्चित्त—रायभत्ते य।

बंभारंभ—परिग्गह—अणुमण—मुद्दिट्ठ देसविरदे दे।।१।।

एयासु यधाकहिद—पडिमासु पमादाइ— कयाइचार—सोहणट्ठं छेदोवट्ठावणं होदु मज्झं।

प्रतिक्रमणभक्ति:

श्रीपडिक्कमणभक्ति— काउस्सग्गं करेमि—

(अथ देवसियपडिक्कमणाए सव्वाइचारविसोहिणिमित्तं पुव्वाइरिय कमेण पडिक्कमणभक्ति काउसग्गं करेमि—)

(णमो अरहंताणं इत्यादि सामायिक दण्डक २७ उच्छ्वास में ९ जाप्य, पुन: थोस्सामिस्तवन पढ़कर प्रतिक्रमण भक्ति पढ़ें।)

णमो अरहंताणं णमो सिद्धाणं णमो आइरियाणं।

णमो उवज्झायाणं णमो लोए सव्वसाहूणं।।३।।

णमो जिणाणं ३. णमो णिस्सहीए ३, १णमोत्थु दे ३, अरहंत ! सिद्ध! बुद्ध! णीरय ! णिम्मल ! मम्मण ! सभमण ! सुसमत्थ ! समजोग! समभाव! सल्लघट्टाणं—सल्लघत्ताणं ! णिब्भय ! णिराय ! णिद्दोस ! णिम्मोह  ! जिम्मम ! णिस्संग! णिस्सल ! माणमायमोसमूरण! तवप्पहावण! गुणरयण! सीलसायर ! अणंत! अप्पमेय ! महदिमहावीरवड्ढमाण! २बुद्धिरिसिणो चेदि णमोत्थु दे। णमोत्थु दे णमोत्थु दे।

मम मंगलं अरहंता य सिद्ध या बुद्धा य जिणा य केवलिणो ओहिणाणिणो मणपज्जय—णाणिणो चउदस — पुव्वंगामिणो सुद— समिदिसमिद्धा य, तवो य वारसविहो तवसी, गुणा य गुणवंतो य महारिसी तित्थं तित्थकरा य, पवयणं पवणी य, णाणं णाणी य, दंसणं दंसणी य, संजमो संजदा य, विणओ विणीदा य, बंभचेर—वासो बंभचारी य, गुत्तीओ चेव गुत्तिमंतो य, मुत्तीओ चेव मुत्ति—मंत्तो य, समिदीओ चेव समिदिमंतो य, ससमय—परसमयविदू, खंति खवगा य खीणमोहा य खीणवंतो य बोहियबुद्धा य बुद्धि—मंतो य, चेईय—रुक्खाय चेईयाणि।

उड्ढ—मह— तिरियलोए सिद्धायदणाणि णमंसामि सिद्धि—णिसीहियाओ अट्ठावय—पव्वदे सम्मेदे उज्जंते चंपाए पावाए मज्झिमाए हत्थिवालियसहाए जाओ अण्णाओ काओ वि णिसीहियाओ जीवलोयम्मि ईसि—पब्भार—तल—गयाणं सिद्धाणं बुद्धाणं कम्मचक्क— मुक्काणं णीरयाणं णिम्मलाणं गुरुआइरियउवज्झायाणं पव्वतित्थेरकुलयराणं चाउवण्णा य समणसंघा य भरहेरावएसु दससु पंचसु महाविदेहेसु जे लोए संति साहवो संजदा तवसी एदे मम मंगलं पवित्तं एदे हं मंगलं करेमि भावदो विसुद्धो सिरसा अहिवंदिऊण सिद्धे काऊणमंजलि—मत्थयम्मि पडिलेहिय अट्ठ—कत्तरिओ१ तिविहं तियरणसुद्धो।

पडिक्कमामि भंत्ते! दंसणपडिमाए संकाए कंखाए विदिगिंछाए परपासंडाण—पसंसाए पसंथुए जो मए देविसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में टुक्कडं।।१।।

पडिक्कमामि भंते! वदपडिमाए पढमे थूलयडे हिंसाविरदि—वदे वहेण वा वंधेण वा छेएण वा अइभारारोहणेण वा अण्णपाण—णिरोहणेण वा जो मए देवसिओ अइचारो मणसा वचिया काएण कदो वा कीरंतो वा समणुमण्णिदो तस्स मिच्छा में दुक्कडं।।२-१।।

पडिक्कमामि भंते ! वदपडिमाए विदिए थूलयडे असच्चविर—दिवदे मिच्छोवदेसेण वा रहोअब्भक्खाणेण वा कूडलेहणकरणेण वा णायापहारेण वा सायारमंत्रभेएण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में दुक्कडं।।२-२।।

पडिक्कमामि भंते! वदपडिमाए तिदिए थूलयडे थेणविरदिवदे थेणपओगेण वा थेणहरिया—दाणेण वा विरुद्ध—रज्जाइक्कमणेण वा हीणाहिय—माणुम्माणेण वा पडिरूवय—ववहाररेण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में दुक्कडं।।२-३।।

पडिक्कमामि भंते ! वदपडिमाए चउत्थे थूलयडे अबंभ—ाqवरदिवदे परविवाहकरणेण वा इत्तरियागमणेण वा परिग्गहिदा—परिग्गाहिदागमणेण वा अणंगकीडणेण वा कामतिव्वाभिणिवेसेण वा जो मए देवसियो अइचारो मणसा वचिया काएण कदो वा कारिदो वा कीरंतो वा समणुमण्णिदो तस्म मिच्छा मे दुक्कडं ।।२-४।।

पडिक्कमामि भंते ! वदपडिमाए पंचमे थूलयडे परिग्गहपरिमाणवदे खेत्तवत्थूणं परिमाणा—इक्कमणेण वा धणधाणाणं परिमाणा— इक्कमणेण वा दासीदासाणं परिमाणा—इक्कमणेण वा हिरण्ण—सुवण्णाणं परिमाणा—इक्कमणेण वा कुप्पभांड—परिमाणा—इक्कमणेण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा मे दुक्कडं।।२-५।।

पडिक्कमाणि भंते ! वदपडिमाए पढमे गुणव्वदे उड्ढ—वइक्कमणेण वा अहो—वइक्कमणेण वा तिरिय—वइक्कमणेण वा खेत्तउद्धीएण वा सदि—अंतराधाणेण वा जो मए देविसिओ अइचारो मणसा वचिया काएण कदो वा कारिदो वा कीरंतो वा समणुमणिणदो तस्स मिच्छा में दुक्कडं।।२-६-१।।

पडिक्कमामि भंते ! वदपडिमाए विदिए गुणव्वदे आणयणेण वा विणिजोगेण वा सद्दाणुवाएण वा रूवाणुवाएण वा पुग्गलखेवेण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा मे दुक्कडं।।२-७-२।।

पडिक्कमामि भंते ! वदपडिमाए तिदिए तिदिए गुणव्वदे कंदप्पेण वा कुकुवेएण वा मोक्खरिएण वा असमक्खियाहिकरणेण वा भोगोपभोगाणत्थकेण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा मे दुक्कडं।।२-८-३।।

पडिक्कमामि भंते ! वदपडिमाए पढमे सिक्खावदे फासिंदियभोगपरिमाण—इक्कमणेण वा रसणिंदिय—भोगपरिमाणा—इक्कमणेण वा घाणिंदियभोग—परिमाणा—इक्कमणेण वा चक्ंखिदियभोग—परिमाणाइक्कमणेण वा सवणिंदियभोग—परिमाण—इक्कमणेण वा जो मए देविसिओ अइचारो मणसा वचिया काएण कदोवा कारिदो वा कीरंतो वा समणुमण्णिदो तस्स मिच्छा में दुक्कडं।।२-९-१।।

पडिक्कमामि भंते ! वदपडिमाए विदिए सिक्खावदे फासिंदिस— परिभोगपरिमाणाइक्कमणेण वा रसणिंदिय—परिभोग—परिमाणाइक्कमणेण वा धाणिंदिय—परभोगपरिमाणाइक्कमणेण वा चक्खिंदिय—परिभोगपरिमाणाइक्कमणेण वा सवणिंदिय—परिभोग परिमाणाइक्कमणेण वा जो मए देविसिओ अइचारो मणसा वचिया काएण कदोवा कारिदो वा कीरंतो वा समणुमण्णिदो तस्स मिच्छा में दुक्कडं।।२-१०-२।।

पडिक्कमामि भंते ! वदपडिमाए तिदिए सिक्खावदे सचित्तणिक्खेवेण वा सचित्तापिहाणेण वा पर उवएसेण वा कालाइक्कमणेण वा मच्छरिएण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा मे दुक्कडं ।।२-११-३।।

पडिक्कमामि भंते ! वदपडिमाए चउत्थे सिक्खावदे जीविदा—संसणेण वा मरणासंसणेण वा मित्ताणुराएण वा सुहाणुबंधेण वा णिदाणेण वा जो मए देवसियो अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा मे दुक्कडं।।२-१२-४।।१

पडिक्कमामि भंते ! सामाइयपडिमाए मणदुप्पणिधाणेण वा वायदुप्पणिधाणेण वा कायदुप्पणिधाणेण वा अणादरेण वा सदि अणुवट्ठावणेण वा जो देवसियो अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में दुक्कडं।।३।।२

पडिक्कमामि भंते ! पोसहपडिमाए अप्पडिवेक्खिया—पमज्जियोस्सग्गेण वा अप्पडिवेक्खिया— पमज्जियादाणेण वा अप्पडिवेक्खियापमज्जिया—संथारोवक्कमणेण वा आवस्सया—णादरेण वा सदिअणुवट्ठावणेण वा जो मए देवसिओ अइचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में टुक्कडं।।४।।३

पडिक्कमामि भंते ! सचित्तविरदिपडिमाए पुढविकाइया जीवा असंखेज्जासंखेज्जा आउकाइया जीवा असंखेज्जासंखेज्जा तेउकाइया जीवा असंखेज्जासंखेज्जा वाउकाइया जीवा असंखेज्जा संखेज्जा वणप्फदिकाया जीवा अणंताअणंता हरिया बीया अंकुरा छिण्णा भिण्णा एदेसिं उद्दावणं परिदावणं विराहणं उवघादो कदो वा कारिदो वा कीरंतो वा समणुमण्णिदो तस्स मिच्छा में टुक्कडं।।५।।४

पडिक्कमामि भंते ! राइभत्तपडिमाए णवविहबंभचरियस्स दिवा जो मए देवसिओ अइचारो अणाचारो मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में टुक्कडं ।।६।।१

पडिक्कमामि भंते ! बंभपडिमाए इत्थिकहायत्तणेण वा इत्थिमणोहरंगणिरक्खणेण वा पुव्वरया—णुस्सरणेण वा कामकोवण—रसासेवणेण वा सरीरमंडणेण वा जो मए देवसिओ अइचारो अणाचारो मणसा वचिया काएण कदो वा कारिदो वा कीरंतों वा समणुमण्णिदो तस्स मिच्छा में टुक्कडं।।७।।२

पडिक्कमामि भंते ! आरंभविरदिपडिमाए कसाय—वसंगएण जो मए देवसियो आरंभो मणसा वचिया काएण कदो व कारिदो वा कीरंतो वा समणुमण्णिदो तस्स मिच्छा में टुक्कडं।।८।।३

पडिक्कमामि भंते ! परिग्गहविरदिपडिमाए वत्थमेत्तपरिग्गहादो अवरम्मि परिग्गहे मुच्छापरिणामे जो मए देवसिओ अइचारो अणाचारो कदो कारिदो वा कीरंतो वा समणुमण्णिदो तस्स मिच्छा में टुक्कडं।।९।।४

पडिक्कमामि भंते ! अणुमणुविरदिपडिमाए जं किं पि अणुमणणं पुट्ठापुट्ठेण कदं वा कारिदं वा कीरंतं वा समणुमण्णिदो तस्स मिच्छा में टुक्कडं।।१०।।१

पडिक्कमामि भंते ! उद्दिट्ठविरदिपडिमाए उद्दिट्ठदोसबहुलं अहोरदियं आहारयं आहारावियं आहारिज्जंतं वा समणुमण्णिदो तस्स मिच्छा में टुक्कडं।।११।।२

इच्छामि भंते ! इमं णिग्गंथं पावयणं अणुत्तरं केवलियं पडिपुण्णंणेगाइयं सामाइयं संसुद्ध सल्लघट्टाणं सल्लघत्ताण सिद्धिमग्गं सेढिमग्गं खंतिमग्गं मोत्तिमग्गं पमोत्तिमग्गं मोक्खमग्गं पमोक्खमग्गं णिज्जाणमग्गं ण भवं ण अवितह—मविसंति पव्वयण—मुत्तमं तं सद्दहामि तं पत्तियामि तं रोचेमि तं फासेमि इदो उत्तरं अण्णंणत्थि ण भूदंण णिव्वाणमग्मं सव्वदुक्ख—परिहाणि—मग्गं सुचरिय परिणिव्वाणमग्मं भविस्सदि णाणेण वा दंसणेण वा चरित्तेण वा सुत्तेण वा इदो जीवा सिज्झंति बुज्झंति मुच्चंति परिणिव्वाणयंति सव्वदुक्खाण—मंतं करंति परिवियाणंति समणोमि संजदोमि उवरदोमि उवसंतोमि उवधि—णियडियमाणमायामोस— मिच्छणाणमिच्छदंसणचरित्तं च पडिविरदोमिसम्मणाण—सम्मदंसण—सम्मचरित्तं च रोचेमि जं जिणवरेहिं पण्णत्तो इत्थ में जो कोइ देवसियो अइचारो अणाचारो तस्स मिच्छा से टुक्कडं।

इच्छामि भंते ! वीरभत्ति—काउस्सग्गं करेमि जो मए देवसिओ अइचारो अणाचारो आभागो अणाभोगो काइओ वाइओ माणसिओ दुच्चरिओ दुब्भासिओ दुप्परिणामिओ णाणे दंसणे चरित्ते सुत्ते सामाइए एयारसण्हं पडिमाणं विराहणाए अट्ठविहस्स कम्मस्स णिग्घादणाए अण्णहा उस्साहिदेण णिस्सासिदेण वा उम्मिसिदेण णिम्मिस्सिदेण खासिदेण वा छिंकिदेण वा जंभाइदेण वा सुहुमेहिं अंगचलाचलेहिं दिट्ठिचलाचलेहिं एदेहिं सव्वेहिं असमाहिं पत्तेहिं आयारेहिं जाव अरहंताणं भयवंताणं पज्जुवासं करेमि ताव कायं पाव कम्मं दुच्चरियं वोस्सरामि।

दंसण—वय—सामाइय—पोसह—सचित्त—राइभत्ते य। 

बंभारंभ—परिग्गह—अणमणु—मुद्दिट्ठ—देसविरदेदे।।१।।

(एया सु जधाकहिदपडिमासु पमादाइकयाइचार—सोहणट्ठं छेदोवट्ठावणं होदु मज्झं।

अथ देवसियपडिक्कमणाए सव्वाइचारविसोहिणिमित्तं पुव्वाइरियक्कमेण णिट्ठिदकरणवीरभक्तिका उस्सग्गं करेमि)

वीरभक्ति का उस्सग्गं करेमि— 

(पुनः सामायिक दण्डक पढ़कर दैवसिक प्रतिक्रमण में १०८ उच्छ्वासों में ३६ बार णमोकार मंत्र, पश्चात् थोस्सामिस्तव पढ़ें। रात्रिक प्रतिक्रमण में १८ बार णमोकार मंत्र पढ़ें।)

वीरभक्ति:

य: सर्वाणि चराचराणि विधिवद्द्रव्याणि तेषां गुणान् 

पर्यायानपि भूतभाविभवत: सर्वान् सदा सर्वदा।

जानीते युगपत्—प्रतिक्षण—मत: सर्वज्ञ इत्युच्यते 

सर्वज्ञाय जिनेश्वराय महत्ते वीराय तस्मै नम:।।१।।

वीर: सर्व—सुरासुरेन्द्र—महितो वीरं बुधा: संश्रिता

वीरेणा—भिहत: स्वकर्म—निचयो वीराय भक्तया नम:।

वीरात्तीर्थमिदं प्रवृत्त—मतुलं वीरस्य वीरं१ तपो

वीरे श्री—द्युति—कान्ति—कीर्ति—धृतयो हे वीर ! भद्रं त्वयि।।२।।

ये वीर—पादौ प्रणमन्ति नित्यं, ध्यानस्थिता: संयम—योग—युक्ता:।

ते वीतशोका हि भवन्ति लोके, संसारदुर्गं विषमं तरन्ति ।।३।।

व्रत—समुदय—मूल: संयम—स्कन्ध—बन्धो 

यम—नियम—पयोभि—र्वर्धित: शीलशास्त्र:।

समिति—कलिकभारो गुप्तिगुप्त—प्रवालो

गुणकुसुम—सुगन्धि: सत्तप—श्चित्रपत्र :।।४।।

शिवसुख—फलदायी यो दयाछाय—यौघ: 

शुभजन— पथिकानां खेदनोदे समर्थ:।

दुरित—रविज—तापं प्रापयन्नन्तभावं 

स भवविभव—हान्यै नोऽस्तु चारित्रवृक्ष:।।५।।

चारित्रं सर्वजिनैश्—चरितं प्रोक्तं च सर्वशिष्येभ्य:।

प्रणमामि पंचभेदं पंचमचारित्र—लाभाय ।।६।।

धर्म: सर्वसुखाकरो हितकरो धर्मं बुधाश्चिन्वते 

धर्मेणैव समाप्यते शिवसुखं धर्माय तस्मै नम:।

धर्मान्नास्त्यपर: सुहृद्भवभृतां धर्मस्य मूलं दया

धर्मे चित्तमहं दधे प्रतिदिनं हे धर्म ! मां पालय।।७।।

धम्मो मंगल—मुद्दिट्ठं अहिंसा संयमों तवो। 

देवो वि तस्स पणमंति जस्स धम्मे सया मणो।।८।।

इच्छामि भंते ! पडिकमणा—इचार—मालोचेउं तत्थ देसासिआ आसणासिआ ठाणासिआ कालासिआ मुद्दासिआ काओसग्गासिआ पाणामासिआ आवात्तासिआ पडिक्कमासिए छसु आवासएसु परिहीणदा जो मए अच्चासणा मणसा वचिया काएण कदो वा कारिदो वा कीरंतो वा समणुमण्णिदो तस्स मिच्छा में टुक्कडं।

दंसण—वय—सामाइय—पोसह—सचित्त— रायभत्ते य।

बंभारंभ—परिग्गह—अणुमण—मुद्दिट्ठ देसविरदे दे।।१।।

(एयासु जधाकहिद—पडिमासु पमादाइ—कयाइचार—सोहणट्ठं छेदोवट्ठावणं होदु मज्झं ।

 अथ देवसियपडिक्कमणाए सव्वाइचारविसोहिणिमित्तं पुव्वाइरियक्कमेण चउवीसतित्थयरभत्ति— काउस्सग्गं करेमि।) 

( णमो अरहंताणमित्यादि, ९ जाप्य, थोस्सामीत्यादि)

चतुर्विशतितीर्थंकर भक्ति:-

चउवीसं तित्थयरे उसहाइ—वीरपच्छिमे वंदे।

सव्वेसिं१ गुणगणहरसिद्धे सिरसा णमंसामि।।१।।

ये लोकेष्ट—सहस्त्र—लक्षणधरा ज्ञेयार्ण—वान्तर्गता 

ये सम्यक्— भवजाल—हेतुमथनाश्—चन्द्रार्कर्तजो—धिका:।

ये साध्विन्द्र—सुराप्सरो—गणशतै—र्गीत—प्रणुत्यार्—चिता:

तान् देवान् वृभादि—वीरचरमान् भक्त्या नमस्या—म्यहम् ।।२।। 

नाभेयं देवपूज्यं जिनवर—मजितं सर्वलोक—प्रदीपं

सर्वज्ञं संभवाख्यं मुनिगण—वृषभं नन्दनं देवदेवम् ।

कर्मारिघ्नं सुबुद्धिं वरकमल—निभं पद्यपुष्पा—भिगन्धं

क्षान्तं दान्तं सुपार्श्र्वं सकल—शशिनिभं चन्द्रनामान—मीडे।।३।।

विख्यातं पुष्पदन्तं भवभय—मथनं शीतलं लोकनाथं

श्रेयांसं शीलकोशं प्रवर—नरगुरूं वासुपूज्यं सुपूज्यम् ।

मुक्तं दान्तेन्द्रियाश्वं विमल—मृषिपतिं सिंहसैन्यं मुनीन्द्रं

धर्मं सद्धर्मकेतुं शमदम—निलयं स्तौमि शान्ति शरण्यम् ।।४।।

कुन्थु सिद्धालयस्थं श्रमणपति—मरं त्यक्त—भोगेषु चक्रं

मल्लिं विख्यातगोत्रं खचर—गणनुतं सुव्रतं सौख्य—राशिम् ।

देवेन्द्राच्र्यं नमीशं हरिकुल—तिलकंनेमिचन्द्रं भवान्तं 

पार्श्र्वं नागेन्द्र—वन्द्यं शरण—मह—मितो वर्धमानं च भक्त्या।।५।।

अंचलिका—

इच्छामि भंते ! चउवीस—तित्थयर—भक्तिकाउस्सग्गो कओ तस्सालोचेउं, पंचमहाकल्लाणसंपण्णाणं अट्ठमहा— पाडिहेर—सहि—दाणं चउतीसातिसयविसेससंजुत्ताणं बत्तीसदेविंद—मणिमउड—मत्थय—महिदाणं बलदेव—वासुदेव—चक्कहर—रिसि— मुणि— जइ— अणगारो—वगूढाणं थुइसयसहस्सणियाणं उसहाइ— वीरपच्छिम—मंगल—महा—पुरिसाणं णिच्चकालं अंचेमि पूजेमि वंदामि णमंसामि दुक्खक्खओ कम्मक्खओ बोहिलाहो सुगइगमणं समाहिमरणं जिण—गुण—संपत्ति होउ मज्झं।

दंसण—वय—सामाइय— पोसह—सचित्त—रायभत्ते य ।

बंभारंभ—परिग्गाह—अणुमण—मुद्दिट्ठ देसविरदो य ।।१।।

(एयासु जधाकहिद—पडिमासु पमादाइ—कमाइचार—सोहणट्ठं छेदोवट्ठावणं होदु मज्झं। देवसियपडिक्कमणाए सव्वाइचारविसो—हिणिमित्तं पुव्वाइरियक्कमेण आलोयणसिद्धभत्ति—पडिक्कमणभत्तिणिट्ठिदकरणवीरभत्ति चउवीसतित्थयरभत्ती किच्चा तद्धीणाधिकत्तादि—दोसपरिहरणट्ठं सयलदोसणिराकरणट्ठं सव्वमलाइचार—सोहणट्ठं अप्पपवित्तीकरणट्ठं सिरिसमाहिभत्तिकाउस्सग्गं करेमि हं)

श्रीसिद्धभक्ति—श्रीप्रतिक्रमणभक्ति— श्रीवीरभक्ति—श्रीचतुर्विंशति—भक्ती: कृत्वा तद्धीनाधिकत्वादि—दोषविशुद्ध्यर्थं समाधिभक्ति— कायोत्सर्गं करोम्यहं ।

समाधिभक्ति:—

अथेष्टप्रार्थना—प्रथमं करणं चरणं द्रव्यं नम:।

शास्त्राभ्यासो जिनपतिनुति: संगति: सर्वदार्यै: 

सद्वृत्तानां गुणगणकथा दोषवादे च मौनम् ।

सम्पद्यन्तां मम भवभवे यावदेतेऽपवर्ग: ।।१।।

तब पादौ मम हृदये मम हृदयं तब पदद्वये लीनं ।

तिष्ठतु जिनेन्द्र ! तावद्यावन्निर्वाण— सम्प्राप्ति:।।२।।

अक्खर—पयत्थ—हीणं मत्ताहीणं च जं मए भणियं।

तं खमउ णाणदेव य मज्झ वि दुक्खक्खयं दिंतु।।३।।

दुक्खक्खओ कम्मक्खओ बोहिलाहो सुगइगमणं समाहिमरणं जिणगुणसंपत्ति होउ मज्झं।

    -इति श्रीश्रावकप्रतिक्रमणं समाप्तम्।-